Буэнос-Айрес

Каланын тургузулужы

Буэнос-Айрес (испандап Buenos Aires; [ˈbwenos ˈai̯ɾes]), официал бӱдӱмиле Буэнос-Айрес автоном кала (испандап Ciudad Autónoma de Buenos Aires) — Аргентинаныҥ тӧс калазы ла эҥ јаан калазы болуп јат. 2022 јылдыҥ чотогоныла калада 3 120 612 кижи јуртап јат. Оныҥ агломерациязы, Улу Буэнос-Айрес, 16 000 000 кижӱлӱ. Бу кӧргӱзӱле ол телекейде Мехиконыҥ кийнинеҥ екинчи испан тилдӱ кала болуп јат. Каланыҥ эл-јоны «портекньос» (испандап Porteños, турт айтса «порттыҥ кижизи») деп адалат. Бу эл-јон кӧп сабазында испан ла италиян ук-тӧстӱ. Тӧс јаҥы — католицизм, је оныҥ јанында протестантизм ле иудаизм база јаан учурлу. Израилдиҥ ле АШТ-тыҥ (США) тыш јанында, Буэнос-Айрес телекейде эҥ јаан ашкеназ јӧрӧмдӧриниҥ бирӱзи, анайда ок Парижтиҥ кийнинеҥ екинчи јаан еврей община болуп јат.