Лина
Лина (кезикте Лима деп бичилет) — Перуныҥ тӧс калазы ла эҥ ле јаан калазы, анайда ок Лима регионныҥ тӧс јери. Тымык океанныҥ јарадында, Перуныҥ ортозында турган Лима кала ӱч кичинек сууныҥ — Римак, Чильон ло Луринниҥ — коолында јадат. Мында јуртап јаткан улусты лименьос (эр улусты — Limeños, ӱй улусты — Limeñas) деп адайдылар. Јонныҥ тоозы кала јериле кожо он миллион кижи кире бар, оныҥ учун Лима Латин Американыҥ бежинчи јаан калазы болуп јат (Мехико, Сан-Paulo, Буэнос-Айрес ле Рио-де-Жанейроныҥ кийнинеҥ). Лима каланы 1535 јылдыҥ чаган айыныҥ 18-чи кӱнинде Испанияныҥ конкистадоры Франсиско Писарро тӧзӧгӧн. «La Ciudad de los Reyes» («Каандардыҥ калазы») деп адалып, ол озо Перу вице-королевствоныҥ, оноҥ 1821 јылда Испаниянаҥ јайымдалып, Перу Республиканыҥ тӧс калазы болуп чыккан.