Перу

Перу, официал ады — Перу Республика (испанла: Perú ле República del Perú; кечуала: Piruw ле Piruw Ripuwlika; аймарала: Piruw ле Piruwxa Ripuwlika), Тӱштӱк Американыҥ кӱнбатыш јанында турган тергее. Ол тӱндӱк јанынаҥ Эквадорло ло Колумбияла, кӱнчыгыш јанынаҥ Бразилияла, тӱштӱк-кӱнчыгышта Боливияла, тӱштӱгинде Чилиле, а тӱштӱк ле кӱнбатыш јанынаҥ Тын океанла кыйаланат. Перу — кӧп саба јаратылыш бӱдӱмдӱ ороон. Мында кӱнбатыш јараттагы куру чӧлдӧрдӧҥ ала, ороонныҥ ортозыла тӱндӱктӱҥ тӱштӱк-кӱнчыгыш јаар сунулган Анд тууларыныҥ бийик баштарына јетире, олай ок кӱнчыгыштагы Амазонка сууныҥ јажыл тайга-агаштарына јетире јерлер бар. Перуда 34 миллион кижи јуртайт, тӧс калазы ла эҥ ле јаан калазы — Лина. Јериниҥ кеми 1,28 миллион км² болуп, Перу телекейде 20-чи ле Тӱштӱк Америкада ӱчинчи јаан ороон болуп јат.