Уильямс, Джоди

Википедия сайттаҥ
(Ууландырды мынаҥ Джоди Уильямс)
Джоди Уильямс
английлап Jody Williams
Чыккан ӧйи ӱлӱрген айдыҥ 9 кӱни 1950(0010-09-1950)[1][2][3] (73 јаш)
Чыккан јери
Ороон
Иш-тоштыҥ бӱдӱми профессор, правозащитник, антивоенный активист
Кайралдары ла премиялары
Нобельдиҥ амыр-энчу учун сыйы

Джоди Уильямс (английлап Jody Williams; 1950 јылда ӱлӱрген айдыҥ 9-чы кӱнинде чыккан, Братлборо, Вермонтто — США-ныҥ американ активисти, ӱредӱчи; пехотага удура миналарды јаратпас Эл-јондор ортодо кыймыгуныҥ тӧзӧӧчизи, Нобельдиҥ амыр-энчӱ учун сыйыныҥ 1997 јылда лауреады.

Биографиязы[тӱзедер | кодты тӱзедер]

1972 јылда Джоди Уильямс кеендикте бакалаврдыҥ степенин Вермонттыҥ университединде алган, 1974 јылда Вермонтто испан тилдиҥ ле ла англий (экинчи тил) (английлап English as a Second Language) тилдер аайынча ӱредӱликте магистрдыҥ степенин алган.

1984 јылда Джон Хопкинстиҥ университединде эл-јондык шиҥжӱ школыныҥ кеендикте ле јондык колбуларда магистрдиҥ степени берилген. Мексикада, Великобританияда ла Вашингтондо ӱредӱчи болуп иштегениниҥ кийнинде, ол гуманитар ижин ӧзӱми јаҥы кӧндӱккен ороондордо баштаган.

1986 јылда Уильямс Сальвадордо Лос-Анджелестиҥ благотворительный эмчилик болуш јетирер ӧмӧлигиниҥ башкараачызыныҥ јерине турган.

1992 јылда ол пехота јоголтор миналарды јаратпай турган јондык кыймыгуныҥ бажына турган. Уильямс в 1997 јылда биригӱниҥ ле Джоди Уильямстыҥ чырмайыжыла пехота јоголтор миналарды эдип чыгарарын токтодор, тузаланбас деген Конвенцияга кол салынган. Је кезик ороондор, ол тоодо Россия, КНР ла США кол саларга мойношкон.

Уильямс ла оныҥ башкарган кыймыгузы (пехотага удура миналарды јоголторы учун) Нобельдиҥ амыр-энчӱ учун сыйыныҥ 1997 јылда лауреады боло берген.

2003 јылда Уильямс Иракта американ јуу-чук кампанияны кезем јаратпаганын угускан учун тӱрмеге де отурган[4].

Кайралдары[тӱзедер | кодты тӱзедер]

  • Нобельдиҥ амыр-энчӱ учун сыйы (1997)

Јуруктардыҥ кӧмзӧзи[тӱзедер | кодты тӱзедер]

Ајарулар[тӱзедер | кодты тӱзедер]

  1. Encyclopædia Britannica (англ.)
  2. FemBio database (нем.)
  3. Энциклопедия Брокгауз (нем.) / Hrsg.: Bibliographisches Institut & F. A. Brockhaus, Wissen Media Verlag
  4. Archive copy (недоступная ссылка). Дата обращения: 1616122155. Архивировано 1250687465.

Тайантылар[тӱзедер | кодты тӱзедер]