Пекпеев, Сергей Тимурович

Сергей Тимурович Пекпеев
Чыккан ӧйи	сыгын айдыҥ 4 кӱни 1956(0009-04-1956)
Чыккан јери	Јоло, Оҥдой аймак, Горно-Алтайская автономная область[d], Алтай кырай, Российский Советский Федеративный Социалистический Республика[d], СССР[d]
Божогон ӧйи	кандык айдыҥ 25 кӱни 2012(0004-25-2012) (55 јаш)
Божогон јери	Улалу, Россия
Ороон	Россия
Иш-тоштыҥ бӱдӱми	политик, депутат Государственной думы Российской Федерации
Кайралдары ла премиялары

Сергей (Эркей) Тимурович Пекпеев (04.09.1956 — 25.04.2012) — политик, финансист, дипломат, эл-јондык ишчи, РФ-тыҥ Госдумазыныҥ 3-чи, 4-чи ле 5-чи созывыныҥ депутады (2002—2011). Сӧӧги — кӧгӧл майман

Биографиязы

Сергей Тимурович 1956 јылда сыгын айдыҥ тӧртинчи кӱнинде Јоло јуртта чыккан. Адазы Тимур (Јеҥӱ) Тӧлӧсӧвич Пекпеев, энези Екатерина Акчабаевна. Олор јӱрӱмнеҥ эрте јӱре бергенинеҥ, Эркейди эјези алып алган. Кӧп саба ӧйдӧ ол јеендериле кожо карган энези — Абыјык ла таадазы — Тӧлӧс деп улуста чыдаган. 1967 јылда Јолоныҥ сегис јылдык школын једимдӱ божодып, 1968 јылда Плакастыҥ адыла адалган сургалга 6-чы класска кирет. 1992 јылда Барнаулда Алтайский сельскохозяйственный институт божоткон, 1997 јылда Российский академия государственной службы при Президенте РФ божодып јат.

• 1973—1974 jj. — Јолоныҥ сегисјылдык школында лаборант;
• 1974-1982 jj. — койчы; спорт аайынча методист, слесарь, инженер, «Јоло» деп совхозтыҥ бригадири;
• 1983-1984 jj. — ВЛКСМ-ныҥ Оҥдойдогы райкомныҥ экинчи секретари.
• 1984—1988 jj. — Јоло сельсоветтиҥ исполкомыныҥ башчызы.
• 1988—1991 jj. — «Јоло» деп совхозтыҥ экономисти.
• 1991-1992 jj. — «Аргымай» деп оогош предприятиениҥ директоры.
• 1992—1994 jj. — «Алтайэнергобанк» деп коммерческий предприятиениҥ президенти.
• 1994—1997 jj. — Алтай Республиканыҥ Эл-Курултайдыҥ депутады.
• 1998—2001 jj. — Алтай Республиканыҥ финанс јаныныҥ министри.
• 2002 j. — Алтай Республиканыҥ экономика јанынаҥ министриниҥ баштапкы ордынчызы.
• 2002—2011 jj. — Госдуманыҥ депутады, «Отечество — Вся Россия» ла «Единая Россия» деп фракциялардыҥ туружаачызы. Госдуманыҥ регионал политика ла Федерация керектери аайынча Комитеттиҥ туружаачызы.
• 2012 јылда тулаан айда Горно-Алтайсктыҥ депутаттарыныҥ городской совединде депутат болуп талдалган.

Эш-нӧкӧри Светлана Сарковна Пекпеева. Уулы Экене, кызы Радмила.

Кандык айдыҥ 25-чи кӱнинде оорудаҥ улам јада калган.

Кайралдары

• 2005 j. РФ Президентиҥ Указы аайынча, Сергей Тимурович Пекпеев эрчимдӱ ижи учун «За заслуги перед Отечеством II степени» деп орденниҥ медалиле кайралдаткан.

Кереес

Кочкор айдыҥ 9-чы кӱнинде, 2017 j., Оҥдой јуртта Сергей Пекпеевтиҥ эземине учурлалган мемориал досконыҥ ачылтазы ӧткӧн. Бу кӱннеҥ ала Оҥдойдыҥ орто ӱредӱлӱ школы јарлу политиктиҥ С. Т. Пекпеевтиҥ адыла адалып јат. Бу јӧп Оҥдой аймактыҥ депутаттарыныҥ совединиҥ 2015 јылдыҥ чаган айдыҥ 25-чи кӱнинде ле 2016 јылдыҥ кочкор айыныҥ 18-чи кӱнинде тургузылып јарадылган.

Тайантылар

• Сибирь в лицах. — Новосибирск: ИНФОЛИО-пресс. «МАСС-МЕДИА-ЦЕНТР», 2001. — С. 380. — ISBN 5-89590-041-0; — ISBN 5-901774-01-9.
• Витовцев Н. Сергей Пекпеев / Политик. Финансист. Дипломат. — Новосибирск. Типография ООО «ДЕАЛ», 2015. — с. 608 с илл. ISBN 978-5-93809-060-6
• Н. Витовцев. ЭЈЕЗИНДЕ (повестьтеҥ алынган ӱзӱк)